تصريحات رئيس الحملة الانتخابية للسيسي عن المساحة المأهولة في مصر “غير دقيقة”

وبتتبع بيانات نشرة “مصر في أرقام” لعامي 2015 و2023، والصادرة عن الجهاز المركزي للتعبئة العامة والإحصاء٬ وجدنا أن نسبة المساحة المأهولة بالسكان من المساحة الكلية لمصر ارتفعت من 7.8% في يوليو 2014 إلى 10.49% في يوليو 2022 ولم تبلغ 14%.

وهو ما يتوافق مع تصريحات الدكتور حسين عبد العزيز، مستشار رئيس الجهاز المركزي للتعبئة والإحصاء، خلال لقائه مع برنامج “صباح الخير يا مصر”٬ على القناة الأولى المصرية، في 8 أغسطس 2023، إذ قال “احنا النهاردة حسب بيانات الجهاز بالاتفاق مع هيئة التخطيط العمراني لقينا أنه وصلنا إلى 10.5% من مساحة مصر، مش بس كده لو استُكملت كمان كل مشروعات التنمية اللي بيجري تنفيذها حاليا احنا هنوصل إلى ما يقارب 14%، بالظبط 13.7%”.

وفي 30 سبتمبر 2023، قال الدكتور مصطفى مدبولي٬ رئيس مجلس الوزراء٬ في مؤتمر حكاية وطن٬ “حلمنا إن مصر تبقى من 7% نسبة المعمور سنة ٬2013 نصل إلى 14.5% سنة 2052 أو 2050، احنا النهاردة فين؟ المشاريع اللي بتتنفذ النهاردة على أرض مصر هتغطي إن احنا نبقى 13.8% يعني 14%٬ النهاردة المشاريع اللي شغالة على أرض مصر لما نعملها على الخريطة المساحية احنا وصلنا 14%، يعني اقتربنا من 2050، مش معناها أن احنا خلصنا الـ14%٬ معناها مع اكتمال مشروعات الإصلاح اللي شغالين فيها هنصل إلى 14%٬ مع اكتمال تنمية المدن الجديدة اللي بدأناها هنصل لمخطط 14%”.

وأكد ذلك أيضًا الدكتور عاصم الجزار، وزير الإسكان، في اليوم الثاني لمؤتمر حكاية وطن، يوم 1 أكتوبر 2023، أي منذ حوالي شهرين فقط٬ إذ قال “احنا كنا في 2014 بنشغل 7%٬ احنا دلوقتي في 2023 بنشغل 13.7% بالظبط من المعمور المصري، ودا بإضافة المشروعات الجديدة اللي احنا ابتدينا في مراحلها الأولى٬ عند اكتمالها يكون 13.7% ومن المتوقع أن نتجاوز 14% بحلول 2050”.

ووفقًا لما سبق٬ لم تبلغ المساحة المأهولة بالسكان حتى الآن 14% كما يقول المدعي٬ بل إن الأمر مرهون باستكمال مشروعات استصلاح الأراضي والتنمية العمرانية التي يجري تنفيذها حاليًا.